Posted by Модар сарчашмаи ҳаёти музаффар. Ин суханҳо аз забони шоири маҳбуби дилҳо чандин сол пеш рӯи қоғаз омада, ҳоло ҳам қиммати худро гум накард ва намекунад. Бале, модар онест, ки ба фарзанд ҳаёт мебахшад, ӯро дар оғӯши гарму пурмеҳри худ мепарварад, аввалин суханҳо ва гузоштани нахустин қадамҳоро ба тифлаш ёд медиҳад, фарзанди хешро бо ҳазор нияту орзуҳои нек ба воя мерасонад. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳар як суханронии худ борҳо баҳри баланд бардоштани мақоми зан дар ҷомеа изҳорӣ назар намуда, таъкид карданд, ки мо дар даврони соҳибистиқлолӣ мақоми занонро дар ҷомеа марҳила ба марҳила баланд бардошта, барои онҳо шароити муносиби фаъолият фароҳам овардем, ва имрӯз онҳо дар тамоми сохторҳои давлатӣ фаъолияти босамару густурда доранд.
Ҳамзамон дар ин раванд дар масъалаи баланд бардоштани нақш ва мақоми зан дар ҷомеа якчанд қонунҳо, барномаҳо ва стратегияҳо қабул гардидааст. Қонуни Ҷумҳурии Тоҷикистон “Дар бораи кафолатҳои давлатии баробарҳуқуқии мардону занон ва имкониятҳои баробари амалигардонии онҳо”; Қонуни Ҷумҳурии Тоҷикистон “Дар бораи баробари ва барҳам додани ҳама гуна шаклҳои табъиз; Стратегияи миллии фаъолгардонии нақши занон дар Ҷумҳурии Тоҷикистон дар ду марҳила (солҳои 2011-2020 ва солҳои 2021-2030); Барномаи давлатии “Самтҳои асосии сиёсати давлатӣ оид ба таъмини ҳуқуқу имкониятҳои баробари мардон ва занон дар Ҷумҳурии Тоҷикистон барои солҳои 2001-2010”; Барномаи давлатии тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд дар се марҳила (барои солҳои 2007-2016; солҳои 2017-2022 ва солҳои 2023-2030); Консепсияи рушди оила дар Ҷумҳурии Тоҷикистон; Фармони Президенти Ҷумҳурии Тоҷикистон “Дар бораи тадбирҳои баланд бардоштани мақоми зан дар ҷомеа” Имрӯз дар Тоҷикистони соҳибистиқлол шумораи зиёди занону бонувони лаёқатманду баландихтисос ба хизмати давлатӣ ва корҳои идоракунӣ ҷалб гардидаанд ва сафи онҳо сол аз сол зиёд гашта истодааст.
Мо аминем, ки имрӯз занҳои тоҷик аз ин шароити барои онҳо фароҳам оварда илҳоми тоза гирифта, баҳри дар амал татбиқ намудани сиёсати пешгирифтаи Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кору фаъолият намуда, баҳри ободию осоиштагии кишвар саҳми басо намоён мегузоранд.
Котиби маҷлиси судии
Суди иқтисодии вилояти Суғд Маҳмудова Феруза.